En ses labors porscha la SAS Grischun ad interpresas da l'industria, da l'economia e da la perscrutaziun sco er ad organisaziuns publicas sia expertisa e ses sustegn ed access a la pli moderna infrastructura.

La SAS Grischun lavura cun accents tematics ch'ella promova cun scolaziun, perfecziunament, perscrutaziun applitgada e servetschs.

La SAS Grischun offra purschidas da bachelor, master e perfecziunament en las suandantas disciplinas: architectura, inschigneria da construcziun, Digital Science, management, Multimedia Production, Photonics, Mobile Robotics, tecnica e turissem. Ella fa perscrutaziun applitgada e porscha servetschs en tut quests roms.