La vischnanca da Mustér ed autras vischnancas da la Surselva èn confruntadas cun la sfida d'optimar la cuntanschibladad da lur fracziuns ed abitadis, damai che las distanzas il tranter lieu da domicil, il lieu da vacanzas, il lieu da lavur ed il lieu da destinaziun èn savens memia grondas e perquai ch'i na dat nagin traffic public. Quai ha per consequenza che indigens, giasts e segundindigens fan diever dal traffic individual motorisà. Quai n'è betg adina pratic e fa donn a l'ambient. Il project da pilot per optimar la mobilitad a Mustér vegn manà dal Surselva Lab e duai procurar che la populaziun indigena ed ils giasts cuntanschian Mustér e sias fracziuns a moda flexibla e senza stuair guardar sin l'ura. Igl è la finamira da sviluppar in sistem da mobilitad economic che cumplettescha optimalmain las purschidas existentas.

La vischnanca da Mustér è confruntada – tuttina sco bleras autras vischnancas en Surselva – cun la sfida da meglierar la cuntanschibladad da sias fracziuns e da ses abitadis. Sche la distanza tranter il lieu da domicil, il lieu da vacanzas, il lieu da lavur ed il lieu da destinaziun è memia gronda e sch'i na dat nagin traffic public, dovran la populaziun indigena, ils giasts ed ils segundindigens il traffic individual motorisà. Quai n'è però betg pussaivel per tuttas e tuts, savens betg pratic e betg bun per l'ambient.

Il project è sut l'egida dal Surselva Lab da la Scola auta spezialisada dal Grischun. Lezza vul realisar cun il Surselva Lab ina cooperaziun anc pli directa tranter la perscrutaziun e la pratica. En spezial grazia a las cumpetenzas en il departament «Svilup en il spazi alpin» e la proximitad geografica cun la Surselva sa porschan schanzas da sviluppar sin basa participativa e cooperativa ensemen cun las acturas ed ils acturs en la regiun soluziuns per l'avegnir a favur da la Surselva sco spazi da viver e da lavurar. Il Surselva Lab sco labor real duai sustegnair il svilup regiunal persistent cun metodas participativas da la scienza applitgada.

Per che Mustér daventia in lieu pli attractiv per la populaziun indigena, ils segundindigens ed ils giasts, sto la glieud pudair cuntanscher la vischnanca, sias fracziuns e ses aclauns en ina moda flexibla ed independenta dal temp. Cun il project da pilot «Tuctucs electrics a Mustér» vul la vischnanca da Mustér metter a disposiziun gist quai: ina purschida da sharing attractiva per tuttas e tuts che vegn realisada en stretga collavuraziun cun il Surselva Lab da la Scola auta spezialisada dal Grischun. La finamira dal project è da concepir e d'organisar in sistem da mobilitad extendibel ed economic che cumplettescha optimalmain las purschidas existentas.

Ultra da collavuraturas e collavuraturs da la Scola auta spezialisada dal Grischun sa participeschan las suandantas persunas al project:

• Céline Meury, sviluppadra regiunala Regiun Surselva, telefon: +41 81 926 25 03, e-mail: celine@cluttersurselva.ch
• Prasad Raja, mainafatschenta Veleras, e-mail: prasad@clutterveleras.com
• René Epp, president communal da Mustér, e-mail: president@clutterdisentis.ch
• Ervin Maissen, manader infrastructura vischnanca da Mustér, e-mail: emaissen@clutterdisentis.ch

Participants

Il project è vegnì realisà dal Surselva Lab per cumond da la vischnanca da Mustér, la Regiun Surselva e las Pendicularas Mustér.