La SAS Grischun ha surdà quest onn a chaschun da la festa da diplom 431 diploms da bachelor e da master. Sco gia l’onn passà è Multimedia Production stà il studi frequentà il meglier cun 100 absolventas ed absolvents, suandà dal studi da turissem (en tudestg ed englais) cun 28 diplomandas e diplomands. 63 studentas e students han terminà il studi da Sport Management, 41 quel d’economia da manaschi, 58 quel da Digital Business Management, 26 quel dad Information Science, 8 quel da Service Design, 17 quel dad architectura, 9 quel d’inschigneria da construcziun, 5 quel da Photonics e 14 il studi da Mobile Robotics. 

Emprims diploms en trais novas purschidas da studi

Per l’emprima giada ha la SAS Grischun surdà diploms da bachelor en Computational and Data Science, e quai a 4 absolventas ed absolvents. Grazia a lur diplom han ellas ed els la cumpetenza da generar ina plivalur economica, sociala u scientifica a basa da datas. Per exempel en il sport, cura ch’i va per analisar datas davart il moviment e la sanadad e per sviluppar products sco protesas u mountainbikes a basa da simulaziuns. Da nov èn era vegnids surdads ils titels da master en Sustainable Business Development (16) ed User Experience Design (24). Las diplomadas ed ils diplomads han ussa l’expertisa da promover il svilup persistent en interpresas, tegnend quint d’aspects ambientals, socials ed economics, respectivamain da concepir a moda optimala l’utilisaziun d’applicaziuns digitalas e da crear soluziuns digitalas. Ultra da quai han 10 absolventas ed absolvents acquistà in diplom da master en New Business e 7 persunas in en Tourism and Change (exclusivamain en englais). In titel è vegnì surdà en la direcziun da studi Information and Data Management. Uschia ha la SAS Grischun surdà quest onn sin il stgalim da master en total 58 diploms. 

Da tut ils 431 diploms da bachelor e da master èn 73 vegnids surdads a persunas dal chantun Grischun. La festa da diplom han sustegnì ils sponsurs principals  Schönholzer AG da Cuira e Centronics AG da Landquart.

Ils megliers premiads 

Era quest onn hai dà in’undraziun per las meglras absolventas ed ils megliers absolvents. In premi per ils megliers diploms e las meglras lavurs da diplom han survegnì:

• Andreas Sonderer (Appenzell, AI), bachelor economia da manaschi, Note 5.6, Sponsor: Würth International
• Lukas Minder (Beromünster, LU), bachelor Sport Management, Note 5.4, Sponsor: Swiss Sport Managers
• Céline Senn (Dussnang, TG), master Business Administration, Note 5.6, Sponsor: Graubündner Kantonalbank
• Ruth Hermann (Schwändi b. Schwanden, GL), bachelor architectura, Note 5.7, Sponsor: SIA Graubünden
• Gian-Reto Jenny (Andeer, GR), bachelor inschigneria da construcziun, Note 5.6, Sponsor: SIA Graubünden
• André Glatzl (Chur, GR), bachelor Computational and Data Science, Note 5.4, Sponsor: Inventix
• Martina Zwick (Aarau Rohr, AG), bachelor Information Science, Note 5.6, Sponsor: Inficon
• Joel Flepp & Yan Gridling (Curaglia, GR & Flumserberg Bergheim, SG), bachelor Mobile Robotics, Note 5.7, Sponsor: Auxivo AG
• Joshua Stutz (Bremgarten, AG), bachelor Photonics, Note 5.3, Sponsor: Espros Photonics
• Dimitri Wüest (Luzern, LU), master User Experience Design & Data Visualization, Note 5.5, Sponsor: ZEIX AG
• Selina Studer (Egerkingen, SO), bachelor Digital Business Management, Note 5.4, Sponsor: ROB NICOLAS
• Céline Rullof (Susten, VS), bachelor turissem, Note 5.5, Sponsor: Hotel Schweizerhof
• Nico Caccivio (Birsfelden, BL), bachelor Multimedia Production, Note 5.63, Sponsor: Somedia

Ultra da las distincziuns per ils megliers diploms ha la SAS Grischun surdà era quatter premis spezials:

• Gian-Reto Jenny (Andeer, GR), bachelor inschigneria da construcziun, Beste konstruktive Arbeit, Swiss Engineering STV
• Gian-Reto Jenny & Kevin Moar Rana (Andeer, GR & Bonaduz, GR) bachelor inschigneria da construcziun, Best of Bachelor, Fachrat Bauingenieurwesen FH
• Raphael Brunold (Bad Ragaz, SG), bachelor Computational and Data Science, Siemens Excellence Award
• Dominic Moser (Mels, SG), bachelor Mobile Robotics, RUAG Innovation Award

Ulteriurs detagls

survista da la purschida da studis da bachelor e da master: fhgr.ch/studium