Dapi 60 onns per il Grischun
La Scola auta spezialisada dal Grischun autonoma festivescha quest onn ses giubileum da 60 onns. Il tecnicum da la saira, fundà il 1963, ha adattà il num e la purschida als basegns dal temp en il decurs da quels 60 onns, ma ina constanta è restada: il spiert da pionier, la vischinanza a la populaziun, la dinamica e la collavuraziun per concepir in avegnir persistent.
Nus ans legrain da festivar noss giubileum cun differentas activitads.
Svilup
La SAS Grischun guarda enavos sin in svilup positiv. Quai cumprovan ils dumbers da svilup dals ultims dus decennis areguard la rendita totala, il volumen da perscrutaziun, il dumber da studentas e students e l’effectiv dal persunal. Per il chantun Grischun è la Scola auta spezialisada dal Grischun damai in factur da success.
Svilup da la contribuziun totala dal chantun Grischun e total dals retgavs dals betg purtaders
Svilup dal volumen da perscrutaziun
(Funtauna: Scola auta spezialisada dal Grischun)
Svilup dal dumber da studentas e students
Svilup da l’effectiv dal persunal
Puncts culminants
Durant mintg'onn da sia existenza ha la SAS Grischun acquistà nova savida ch'ella dat vinavant dapi l'entschatta a las studentas ed als students, a la publicitad, als manaschis ed a la politica. Ils puncts culminants dal viadi da nossa scola auta spezialisada èn tranter auter las midadas da num, las adattaziuns da las purschidas, il pass a l'independenza e bainbaud la creaziun d'in center da scola auta spezialisada cun auta reputaziun.
1963 – 1969
1963 – fundà la «Associaziun per in tecnicum da la saira a Cuira»
1964 – cumenzà cun il manaschi da scola
1968 – engaschà l’emprim docent a temp cumplain
1970 – 1979
1972 – survegnì da la Confederaziun la renconuschientscha sco «Scola tecnica superiura STS»
1975 – surdà a Monika Wirth sco emprima dunna il diplom da «chemicra STS»
1980 – 1989
1983 – introducì l’emprim studi supplementar «informatica da tecnica da sistems»
1984 – lantschà il studi supplementar «construcziun ed energia»
1988 – fundà la «Scola superiura d’economia e d’administraziun SEA» e s’unida cun la «STA»
1988 – offert per l’emprima giada il studi dad «economia da manaschi»
1989 – prendì la decisiun davart il nov center da scola Pulvermühle/Ringstrasse
1990 – 1999
1990 – lantschà il studi da telecommunicaziun e l’emprim curs preparatoric per il studi d’inschigner
1991 – separà la «Scola tecnica superiura STA» e la «Scola superiura d’economia e d’administraziun SEA»
1995 – survegnì cun la Lescha federala davart las scolas autas spezialisadas ina basa per transfurmar la «STA» e la «SEA» en scolas autas spezialisadas
1996 – inoltrà la dumonda da manar ina scola auta spezialisada
1997 – fundà la «Scola auta spezialisada da la Svizra Orientala»
1997 – midà il num «SEA» a «Scola auta d’economia e turissem SET»
1998 – midà il num «Scola tecnica superiura STA» en «Scola auta da tecnica e d’architectura STA»
1998 – cumenzà a porscher approfundaziuns en «architectura» ed «inschigneria da construcziun»
2000 – 2009
2000 – fusiunà la «STA» e la «SET» a la «Scola auta da tecnica ed economia SATE Cuira»
2003 – lantschà l’emprim «Career Center» d’ina scola auta spezialisada
2004 – introducì studis da telecommunicaziun / electrotecnica
2005 – surpiglià il sistem da Bologna cun studis da bachelor e da master
2005 – cumenzà cun las purschidas da bachelor «Information Science» e «turissem»
2005 – inizià programs dad executive MBA e masters da furmaziun supplementara en ulteriurs champs spezials
2006 – transfurmà la SATE Cuira en ina persuna giuridica independenta
2007 – modifitgà l’organisaziun classica d’ina scola auta spezialisada ad in’organisaziun tematica interdisciplinara
2008 – introducì il sistem da Bologna per studis da master
2008 – cumenzà cun il studi da bachelor «Multimedia Production» e cun ils studis da master «Engineering (MSE)», «New Business» e «Tourism and Change»
2009 – daventada nova commembra dal program internaziunal da las Naziuns unidas «Principle of Responsible Management Education PRME»
2010 – 2019
2010 – inizià il studi da master «Information and Data Management»
2013 – survegnì la certificaziun ISO-9001
2014 – recepì la SATE Cuira en la Gruppa PRME Champions
2015 – purschì per l’emprima giada ils studis da bachelor «Service Design» e «Sport Management»
2016 – cuntanschì il stgalim da renconuschientscha da quatter stailas da l’EFQM «Recognised for Excellence»
2016 – rinforzà la tecnica – tranter auter cun iniziar il studi da bachelor «Photonics»
2016 – daventada commembra da l’Academia Raetica
2016 – inizià il studi da bachelor «Digital Business Management»
2018 – survegnì l’accreditaziun instituziunala dal Cussegl svizzer d’accreditaziun ed il dretg a contribuziun dal Cussegl federal
2018 – survegnì attribuì d’in cusseglier guvernativ dal chantun Grischun la professura speziala «Computational Science»
2019 – daventada commembra da swissuniversities
2019 – inizià il center «Data Analytics, Visualization and Simulation DAViS»
2019 – midà il num en «Scola auta spezialisada dal Grischun»
2020 – 2023
2020 – survegnì la renconuschientscha sco otgavla scola auta spezialisada da la Svizra
2020 – lantschà il project «center da scola auta spezialisada»
2020 – inizià il studi da bachelor «Mobile Robotics»
2021 – survegnì il sigil «Excellenza en l’instrucziun digitala»
2021 – lantschà las purschidas da bachelor «Computational and Data Science» e «Digital Supply Chain Management»
2022 – inaugurà ils emprims dad oz quatter labors reals en las regiuns
2022 – cumenzà cun las purschidas da master «Sustainable Business Development», «Data Visualization» ed «User Experience Design»
2023 – inizià il program cumbinà master «Digital Communication and Creative Media Production»
2023 – survegnì l’approvaziun da la populaziun grischuna da crear il «center da scola auta spezialisada»
Occurrenzas
Numerusas activitads ed occurrenzas ans accumpognan durant l'onn da giubileum. Dals events per studentas e students sur las occurrenzas per il persunal fin als referats publics e noss di da la scola auta. Vus chattais sutvart ina survista. Nus ans legrain da beneventar Vus ad ina da nossas occurrenzas publicas.
Eveniments
Per la publicitad
7-9-2023: café scientific (Cuira): Datas immediatas per decisiuns fundadas
19-9-2023: café scientific (Soglio): Cultura – la naiv da l’avegnir
Per politica, economia e scienza
2-11-2023: di da la scola auta
Per studentas e students ed il persunal da la SAS Grischun
24-8-2023: occurrenza per il persunal
14-9-2023: kick-off per novas studentas e novs students
10-11-2023: occurrenza per studentas e students «25 onns Information Science»
18-11-2023: occurrenza per studentas e students
Anteriuras studentas ed anteriurs students raquintan
Nossas studentas e noss students han marcà ils ultims sis decennis e fatg da la Scola auta spezialisada quai ch’ella è oz. A moda allegra e divertenta raquintan nossas protagonistas e noss protagonists da lur temp da studi.
